week 24

有條女王燈成日匿晌暖管下面，唔食紅虫，間中食乾糧。死埋就唔買住，橫掂宜家少左油膜，可能因為雨淋管移向右邊水流快左

三棵吐血穀精好似迫得滯，要諗下將後排果棵拆散。紅針葉皇冠終於有走莖

week 23

本來撈左十一條藍珍珠斑馬，有一條係畸形所以冇計錢，佢唔食野幾日後死左。初時全部好瘦，但唔偏食好快肥返。有條白雲山匿埋唔食野，撈走晒。剩返十二條魚

吐血穀精全部有分株，冇位擺唔打算拆開，亦怕佢地分散左會好易俾迷你矮珍珠淹沒。紅線椒每隔三四日就長一塊新葉，葉片越長就越係綠色，葉尖斷左會繼續長高。迷你矮珍珠開始趴地，冬天唔使理水溫易種好多。紫紅針葉柳竟然有新芽，由剪剩既地下莖生出黎，要連根拔起

洗完濾桶後閘掣漏水，以為扭得唔夠緊，拆開用電筒照先發覺裡面有裂痕，唔知幾時扭爆左，唯有用百二蚊買個新既。CO2 氣石太舊出氣唔順，而氣泵既氣石太阻定，兩粒都換晒