brownie blue, week 4

洗左濾桶，要堅持每月尾洗一次。有大半年等到爆藻至洗，落 excel 去善後就整死埋辣椒榕。紅鼻蝦不知不覺已經死晒，從來都養唔耐。一條女王燈失蹤，補返一條

葉同根分別有些少絲藻同黑毛藻，唔敢落太多 excel。兩三個禮拜後有更多根抓住舊石先考慮拆魚絲。外型係似 brownie，但除左橢圓葉，暫時冇野似 blue

brownie blue, week 3

開始有新根抓住舊石，新葉係由淺啡逐漸變綠色。辣椒榕既外型好視乎環境，未發色同轉水棵棵都差唔多樣，批發同零售又亂改名，至少要發左色先會知呢棵係咪 brownie blue，想證明係所謂 11 藍就更難

brownie blue, week 2

新燈原來有十五條，至少半年內唔使再買。早兩日有鮑魚螺爬上暖管，當暖管自動開著就被煎死，今日又有另一隻死晌暖管下面

brownie blue 似乎穩定咁每星期每個頭長一片葉，葉面有星點但未發色

brownie blue, week 1

新燈十四條太多，應該當少過十條先買兩三條。女王燈維持有兩條就算

以前買既辣椒榕通常冇乜根，剩係轉水都等幾個月。呢棵 brownie blue 係水中葉兼有完整既根，雖然打側貼住舊石黎綁，啲葉晌幾日內就擰返向上，仲開始出新葉，係差未發色。用 dimmer 將亮度調高到本來既 1/2，每星期換水落 ADA ECA

辣椒榕 brownie blue 2011

事隔三個月，現有十四條新燈，兩條女王燈。為左紅頭趴趴熊，一直將支燈較到最光，忽略左同缸既陰性草。於是左前排既匙羹萍慢慢變啡枯萎，而淘寶既 brownie purple 同 melody purple 本來係水上葉，轉水已經夠慢，到絲藻爆發就落多左 excel，僅存既葉逐漸溶埋

發覺單靠 excel 唔得，加左幾隻大和藻蝦同紅鼻蝦。當絲藻受控，幾棵細既辣椒榕都將近爛晒。終於拎走晒紅頭趴趴熊，將幾棵匙羹萍移去前排，全缸種陰性草

最近先知千尋水景既 LED 燈係 ADA aquasky 既山寨版。用 LED dimmer 將亮度調低到 3/8，再稍為較大 CO2 既流量

晌魚街三年前買 kedagang 同 brownie red 既鋪頭，一個缸既雜草堆下面摷到棵 brownie blue 2011。比起淘寶所謂 11 藍，呢棵既發色好差，但平好多，係水中葉，起碼 5cm 長，仲有四個頭同好多氣根。以往突出既莖會溶得特別快，今次盡量唔妨礙發芽咁將成條莖貼住舊石綁實

呢間賣既 kedagang 同 brownie red 都對辦，就算呢棵唔係 11 藍，只要係 brownie blue 就夠。至少易種過之前淘寶既水上葉，雖然唔似假貨，但等到轉水都爛剩半截又唔發色

week 1

兩年幾冇更新。換左盞千尋水景既 18W LED 燈，同個深半吋左右既魚缸。有十一條新燈，三條女王燈。藍蝦係舊缸帶黎既。後排係舊缸既迷你椒草、所謂既泰國青椒，同紅頭趴趴熊。前景係 tropica 既杯裝匙羹萍，仲有淘寶既 brownie purple 同 melody purple

濾桶仍然係 eheim 2211，裡面既 sera siporax 玻璃環用左兩年。上禮拜換左一半，要買多包下次洗濾桶換另一半。仲用緊 ISTA 既橫流扇，支 CO2 好似兩年都未叉過氣

換缸初時前排係黑鋼砂，後來換左河砂。試左三個月，魚冇事但草生得非常慢，舊缸既 brownie red 仲枯晒，唔知係咪 pH 唔得，結果將前排換返做 ADA 二代黑泥