brownie blue, week 22

匙羹萍剪薄左，攪起好多泥粉要洗埋濾桶。溫度計又跌落水，換左做 aqua one 沉水溫度計。比起用左十年既舊款，aqua one 既讀數平均高一兩度

玻璃既綠斑藻多左，twinstar 出泡少左。按照說明書用 1000ml 水兌 20ml 漂白水，拆反應器出黎浸三個鍾。塊金屬網乾淨左啲泡似乎多返

之前扯甩既根逐漸固定返，但幾個頭幾乎冇出新葉，反而晌莖上面出芽

brownie blue, week 20

鮑魚螺死晒。冇抹玻璃兩星期，係隔三日換四分一水同落 5ml excel，都係得幾粒綠斑藻，靠 twinstar 同三條小精靈係維持到

匙羹萍生得太密，好容易走莖再變成水上葉，遲早要一次過剪薄

養左十幾年大和藻蝦，未見過好似網球蝦咁樣濾食。呢一隻係有次換水後濾左幾分鍾

出門兩星期好似冇生長過，顏色變暗啞唔知係咪缺鐵肥。剪緊石罅既匙羹萍，錯手扯起一條主根，好在冇斷，放返原位希望會黏返舊石

brownie blue, week 15

twinstar 呢兩個月黎最大貢獻係抑制玻璃既青苔，一個禮拜唔刷都冇明顯既漬，對石上既青苔就無效。但似乎牽連到鮑魚螺，自從有 twinstar 就唔多郁動，慢慢死剩一隻。買多左一條小精靈希望取代到

缸水穩定返就冇換得咁密，每星期換兩次同落 excel。係多左細粒既黑毛藻，要用鉸剪刮走

可能啲營養去晒側芽，新葉生得非常慢，十日都冇一片

brownie blue, week 14

變成水上葉既匙羹萍全部來自泥面上既走莖，冇得預防只可以成條莖剪走

brownie blue 剩返些少黑毛藻，鹿角藻近乎冇晒

brownie blue, week 13

用左支 prodibio BioDigest，twinstar 聲稱會殺菌所以熄一日。缸水逐漸清返，日後洗完濾桶落一支。繼續有匙羹萍生到水上葉咁樣，唯有盡量剪走

新葉有發色。初時每星期長一片葉，宜家起碼十日。同淘寶既 11 藍仲差好遠，但總算有啲 brownie blue 既樣。唔係 blue 都至少係 red 或 phantom，唔會係小圓葉既 purple

brownie blue, week 12

隔日換水同落 excel，當水面有泡即日換三分一。有啲匙羹萍比平均高大一倍，要剪走。唔覺 LED 變暗左導致追光，將兩支 ADA multi bottom 折開六條插入泥底，試下係咪缺肥

絨毛藻清晒，剩些少鹿角藻。新葉顏色變深左，係咪穩定發色要睇下一片新葉

brownie blue, week 11

破例晌月中洗濾桶，每日換水三分一，盡量將鹿角藻連埋匙羹萍、迷你皇冠同椒草剪走，缸水仲係有啲矇。裝 twinstar 之前洗完濾桶兩三日就清返

近黎鮑魚螺極少郁動，藍綠藻周時晌缸邊復發。每日 3ml excel 只係阻止黑毛藻同鹿角藻擴散，枯左既始終要人手清理

brownie blue 有幾日滿佈絨毛藻。剪草後絨毛藻就逐漸俾大和藻蝦刮走，而葉邊既鹿角藻冇被 excel 噴中， 一直好完整

唔覺得停肥料對除藻有幫助，每星期落返 12 滴 ECA，將 LED dimmer 調低到 4/8。brownie blue 三個頭既新葉好出奇咁由紅色轉紫色，以往係由粉紅轉綠色