鑽石紅蓮燈

兩幅相應該係同一種魚，學名一樣，只係顏色同譯名唔同。換缸之前曾經養過兩條，係藍色果種。都唔平，每條要二十幾。當時同新燈混養，可能因為同伴太少，環境亦唔夠好，顏色一直都好淡，又唔多食野。見細缸養得唔好，搬左出廳既大缸，幾個月後就死左

至今仍然好想養呢種魚，尤其係綠色果種。但呢類群居既魚，一買就起碼十條，貴之餘來貨亦好少。早幾個月見過有成缸藍色，晌魚街叫亞歷山大，好似十八蚊一條，綠色就未見過有，再者亦冇地方安置宜家呢缸新燈。廳果缸用沙底，水質偏鹼性，而且環境太差，養唔到燈魚