好可惜唔係新燈，而係廳果兩條神仙魚。有日起身發現兩條魚死守住條膠喉，條喉黏左幾十粒魚卵，即刻上網睇下應該點處理。神仙產後會守住魚卵，趕走游近既魚，重會分泌體液俾孵出黎既魚仔食。神仙好易受環境影響，水質唔適合或者受外界干擾，就會食返魚卵。可以將魚卵拎出黎人工孵化，但易發霉，存活率低
條喉連住濾水唔可以成條拆出黎，又唔想括起堆魚卵，最後維持原狀。魚卵本來七十二小時內會孵化，到第二朝果然唔見晒，不過唔係孵到魚仔。可能係夜晚熄燈刺激到對神仙，又或者其他魚趁佢地訓左黎偷食。網頁都話頭三胎通常唔成功，下次再生蛋會想辦法搬出黎
