目標係複製一個網上教材既造景，等到摸熟左套 CO2 同其他新器材既用法，約半年後就反缸自己再砌一個。暫時好似唔多成功，首先搵唔到同類石頭，最後買左啡色既。質地好脆，對形狀唔滿意可以人手搣爛佢再砌添，都幾方便既。黑泥帶酸性而石會令水質變鹼，暫時未知缸水既 pH 會係點
迷你矮珍珠好難種，插入泥既時候似乎已經整死左唔少。大致上鋪好就開氣泵擺一日，等缸水既氯氣散左先接駁濾桶，以免影響桶內既硝化細菌。大致上控制到 CO2 既出氣量，開左一陣，少數冇乜受損傷既草已經出泡。再擺多一日就移堆魚同蝦過新缸。睇個勢，個零禮拜就知死左幾多草，就算一切順利，都要兩個月先鋪得滿個缸
