青苔橫行，買一袋四隻笠螺應急，當晚已經死左三隻。從未試過買到垂死既螺，第二日再買一袋，暫時黏晒晌玻璃唔郁，今次冇中招掛。咁既缸有五隻螺太多，清左缸邊既青苔就將兩隻搬出廳既魚缸。冇搞分段光照，因為幾塊啡色石有青苔比冇更好睇行勻魚街都冇最想買既鑽石紅蓮燈，最後揀左五條火兔燈，共廿蚊。幾年前睇書見過，身上有鮮艷既紅、綠色，新買呢幾條紅色較淡，希望過幾日會好返。當時唔覺魚街有，宜家都係得一間鋪頭賣成年魚，以呢個價錢似人工繁殖。落水幾個鍾後就識搶紅虫食，適應得好快。主要聚晌上中層，非常好。正因為十幾條新燈長期盤踞晌水底，魚缸上半截空了了，先引進其他品種平衡下。本來睇岩另一款叫乜乜霓虹燕子既，但個樣似會跳缸，唔敢買
