有條紅色尾朱古力魚越黎越惡，霸佔左魚缸正面既空地，凡係有同類遊近就追住黎啄，迫對方匿返入草叢。只有一條體型較大間中會還手，但每次都打輸。佢間中會都恰另外兩條較細既，不過冇咁惡咁既局勢本來維持左好耐，好在從來冇騷擾其他魚。近排條紅尾開始惡到阻住三條同類食野，唯有用膠兜隔離佢。困兩三日後行為冇改善既話，就要諗下係流放去廳既大缸由佢自生自滅，抑或乾脆拎去廁所沖走
宜家條紅尾困住左冇得惡，佢既位置已經被另一條取代左。最後可能要拎走晒兩條大魚，否則兩條細既點都係捱打。之前睇網頁話朱古力魚應該群養先買多兩條，點知原來咁有地盤意識
