上星期搬石換草，掘起左先前埋落既肥料，當時都估到會爆藻，一個星期後果然報應到。幾塊石生滿絲藻，玻璃面多左唔少綠斑，用膠片都刮唔走要換刀片。晌迷你牛毛毯生得密之前唯有勤換水，下星期冇咁忙應該可以隔日換四份一翻缸後買既四隻蝦一隻失蹤三隻死左。藍蝦得一包四十隻冇散買，唯有再買四隻大和藻蝦，暫時唔覺佢地有食絲藻。仲買左兩隻網球蝦同兩隻角螺。角螺似乎遠遠比唔上鮑魚螺，玻璃面既綠斑刮唔乾淨，否則可以再買兩隻，佢地比鮑魚螺長命得多
魚街返左批紅綠色既鑽石紅蓮燈。從未見過實物，當時睇到只覺面善，返屋企查書先認得。幾年前晌書見到一直想養，機會終於到
