終於買到對葦蘭提飛船，一嘗宿願。零六年尾養朱古力飛船既時候就知道有呢種魚，但一直冇見過實物，手上既書亦冇介紹，得網上有零星既照片同繁殖紀錄。近幾個月返貨都錯過左，今次卒之買到，盛惠二百二十。一雌一雄，雌魚比雄魚略大將兩條剛果燈同兩條朱古力飛船搬出廳，免得個缸太迫，同費事兩條細魚俾朱古力飛船追打。養左幾個鍾，比想象中細膽，稍有大動作就匿晌膠喉後面，亦即朱古力飛船平時既活動範圍。暫時熄一支光管，希望儘快適應唔好跳缸
廳果個係清缸，擺左盤沙同膠花，ph 7.0，水質同上年用青龍石種匙羹萍果陣差唔多，朱古力魚照計適應到，剛果燈應該更加冇問題
