上星期去魚街想買返條葦蘭提飛船雄魚。之前幫襯過間鋪話四月尾可能有貨返，行過隔離鋪居然見到成缸晌度，賣四十蚊一條。幾乎全部都係雄魚，好似得一兩條雌魚，但條條都淺啡色好難分辨。另一間鋪話呢批魚賣得平因為應該係人工繁殖，顏色冇野生魚咁靚。反正都只係想買黎俾條雌魚做伴，唔靚冇所謂，就揀左條最大既，但仍然比雌魚細三份一一放落缸條雌魚即刻生猛好多，本來褪色既魚身鮮艷返晒。頭一個星期條雌魚成日追住條雄魚黎啄，尤其餵魚果陣，令條雄魚成日要匿埋。都擔心佢會捱唔住又跳缸，估唔到經過一個禮拜既磨合，雌魚好似接受左條雄魚，近幾日已經冇再啄佢。雄魚既魚鰭攤返開呈暗紅色，同雌魚成日游出黎，唔怕人只係怕鏡頭。希望今次養到
小精靈死左，唔打算買返，睇唔出佢生前有咩貢獻。莫絲草皮開始厚，將前排既剪薄左，後排冇郁
