兩隻斑馬螺死晒，大和藻蝦死剩一隻，連隻藍網球蝦都死埋。隻蝦由上年十二月尾養到宜家，應該係換缸搞左幾日拖得太耐，適應唔到，佢既死係今次未翻缸既最大教訓。好彩條葦蘭提胃口好返少少，條尾已經復原一半冇蝦同螺個缸開始污漕，石同膠喉有漬，暖管仲痴左少少黑毛藻。從魚既表現睇唔出缸水有咩問題，唯有洗濾桶。隔左幾日再買四隻大和藻蝦同五隻角螺，今次既角螺唔係打袋而係由魚缸揀，狀態應該幾好，但放左落水成晚仲係冇動靜
有鋪頭返左一批 atyoida，呢種網球蝦只從上年五月後就冇再見過，即刻買兩隻。個缸加唔到蓋，以佢地爬得咁快，似會跳缸自殺
