拆走夾晌石上面既鋼網，將鳳尾苔就咁攝入石罅。比預期簡單，用牙籤篤入去已經掂，無需魚絲固定。冇買到寬葉鹿角苔，因為唔多滿意宜家個缸，唔想再揼錢。個缸太細，用呢種石砌唔到心目中既造型。可能會換返山谷石，要等長期假先搞水面成日有層油膜，唔似係液肥既問題，洗完濾桶應該有改善，順便加多塊 palm net。又撈走左十零隻唔夠紅既蝦仔，仲剩返十隻左右，好在果四隻大蝦冇再生蛋。太易繁殖都好煩，諗緊換紅水晶蝦試下
餵完紅虫駭然發現有條不知名既虫晌草坪上蠕動，有成隻蝦咁長，驟眼睇以為係渦虫。條虫會四圍捐用網撈唔到，仲識游水，最後用膠管捉出黎。希望只係得佢一條
