紅針葉皇冠

每支三十蚊，買左四支。皇冠草唔可以好似迷你紅菊咁打橫綁，有個網阻住又唔能夠直接插入泥。先晌草皮上開個窿，然後用鉗夾住草根穿過網眼，再鋪返好。鋪草坪之前塞左三條 ADA multi-bottom。雖然聽講太多肥料會令紅針葉皇冠長得太高，但草坪生密左唔會再揭起，到時要單靠液肥

早晌 04/2007 就挑戰過紅針葉皇冠。種左兩個幾月冇枯，仲一直有走莖繁殖，只係紅色甩晒，變左普通既針葉皇冠。宜家既設備比當時好，唔擔心會呢四棵會枯，係怕又種到甩色。睇過幾篇台灣網友對於紅色水草褪色既解釋，今次會從照明著手，用強光提高「花青素」同「類胡蘿蔔素」相對於「葉綠素」既比例，令針葉皇冠變紅

個缸約 30L 水，扣除泥底深度少過 30cm。兩支 11W PL 管共 22W，以 0.6W 配 1L 既比例，照明係夠，可能係時間唔夠。一向用時間掣晌 13:00 - 23:00 開關燈，得十個鍾頭。宜家會晌 12:00 - 24:00 開十二個鍾頭燈