介紹紅鼻蝦既網頁都話佢地冇藻食先會食草。養左成個禮拜，絲藻唔覺得少左，反而見佢地趴晌棵草係咁啃。撈走一隻，轉頭見另一隻去食，幾乎每一棵都有葉被咬斷。自從開十二個鍾頭燈，紅針葉皇冠既顏色就鮮艷返。唯有撈走剩低既紅鼻蝦，免得半途而廢
見紅鼻蝦冇乜貢獻，早已經買包大和藻蝦搏一搏。養幾日唔見佢地食草，再買一包。兩包八隻，死左一隻。當初為左紅針葉皇冠，延長開燈時間同加液肥，又撈走晒大和藻蝦。會爆藻都預左，停液肥同每日換水都救唔返。紅肚鉛筆食過魚糧就唔食藻，而紅鼻蝦又唔掂，到頭來要搵返大和藻蝦。希望咁多絲藻會令佢地放過皇冠草
石紋匙指蝦跳缸，買返一隻，呢隻冇咁鍾意匿埋
