重鋪迷你矮珍珠。掘起匙羹萍先發現新芽係藏晌泥下面向橫生，走莖好長但葉片冇長高，所以種咁耐都唔成草皮。比起五年前，宜家照明強左肥料好左，但當時唔使兩個月就鋪滿泥面
鋸短雨淋管移去右邊，由向前出水改為向左出水，想紅線椒順住水流打橫飄。紫紅針葉柳既根好長，魚缸左邊同中間石罅都有幼根突出黎，夾硬扯佢等如反缸，成條莖剪斷拎走好過
紅線椒唔剪得，用泵吸走根邊既泥，移埋舊大石先掘得起。種左四個月，雖然葉尖唔紅，但竟然有一棵分株，拆開種晌後排。幾日後開始長新葉，形狀唔靚既老葉就逐條剪走。紅針葉皇冠起晒出黎鋪過，插返 iron bottom
初次晌魚街搵到紅色型既鑽石紅蓮燈， 買左十條。幾年前養過藍色型，急凍紅虫同乾糧都唔點食，冇幾耐死左。呢批養左個幾禮拜得幾條食野，顏色暗啞又好瘦。改養十條藍珍珠斑馬，雖然都瘦但好在食魚糧。買左三條女王燈，死一條，原有果條臨死撈走，剩返兩條，共十四條魚
