四個幾月冇更新。中後排既椒草有長高同分株，係迷你椒草生得特別慢。brownie red 終於變紅，kedagang 同 brownie blue 仲係冇色。自從有紫艷皇冠就停左 excel、ECA 同 step 2，生得慢既椒草同辣椒榕好惹黑毛藻
試左幾個除藻同除油膜既配搭。角螺生太多蛋，女王燈養大左，就霸住水面啄其他魚，要撈走換小精靈加大和藻蝦。小精靈清唔到油膜。冇螺，石同玻璃面超快鋪滿清苔
宜家用緊鮑魚螺、藍蝦、虎紋蝦同兩條細既女王燈。鮑魚螺短命，但少生蛋。大和藻蝦會啃紅針葉皇冠，換成兩包三四十隻虎紋同藍蝦，頭一個禮拜死左過半。好多藍蝦都黏住一兩隻水螅，虎紋就好乾淨，係特別易死
魚鋪有條賣剩既紫艷雌魚同火焰鉛筆撈埋一齊，買埋返黎。試過有五條公三條母，後來一條母魚跳缸，兩條公魚病死。兩條初時都係魚身變暗啞同食慾不振，個幾禮拜後先反肚，其中一條死時仲有松果病
成缸黑毛藻都唔敢用 excel，係怕又好似花地灣果兩條咁一遇到 excel 就絕食。兩條公魚無故死左，就覺得未必關事，係瘦果條本身有病，死剩果條又唔適應獨居
紫艷橫掂都係死，開始針筒對住黑毛藻打 excel，每日 4ml。一個禮拜而黎睇唔到紫艷有受影響，黑毛藻就逐漸變白脫落。每日照餵兩餐，午餐 tetra vegetable 或者 hikari 紅虫乾，晚餐急凍紅虫
