魚既胃口好左，宜家一日餵兩餐，一餐乾糧，一餐急凍紅虫。留意左佢地既食相好多日，發覺佢地對乾糧同急凍紅虫既反應好唔同
兩種魚糧都係有魚唔食既。餵乾糧，有幾條魚會食，有幾條魚咬碎左再吐返出黎，其餘就直情當睇唔到。餵紅虫，又係有幾條會食，其餘就游埋去望下或者啄下，然後好不屑咁散開。唔食果幾條魚似係想食生勾勾會扭扭下既生紅虫。但生虫太污漕，多寄生虫同病菌，比較乾淨既生豐年蝦又唔擺得耐。本來脫水紅虫、線虫同豐年蝦都係幾好既選擇，但脫水魚糧唔會沉，浮晌水面既野佢地又唔多食
每條魚既外形都冇咩特徵可以辨認，分唔出每條魚既喜好，唯有兩種魚糧各餵一餐，確保唔同口味既魚都有野食
