十一月初買既疑似小水蘭，係葉片中段窄而葉尖闊，而原裝小水蘭既葉片尖而且長。後來因為疑似小水蘭陸續枯死，就換左宜家呢批草。呢批草既葉片的確係好尖好長，但生得太高喇。小水蘭係前景草，本來唔應該生得咁高。亦唔似係環境問題，因為用既肥料同照明都冇乜變過
好在呢批草冇乜枯葉，同小水蘭一樣會分株既話，將來生得密左會更好睇。高身既草都襯呢個缸，而且多左地方匿埋，對易受驚同怕光既新燈係好事。個缸既設備咁簡陋，唔可以咁挑剔，冇乜凋謝已經要感恩
近排天氣凍，支 25w 暖管唔多夠力。凍起上黎，長期著住都維持唔到廿五度。但得 20L 水又冇理由買支 50w，搞得唔好隨時變煲湯。三年幾前學養魚，果時已經試過一次全缸覆沒
