出門前換左次水，之後條雄魚既食量正常返，似乎係嚇到吞左蛋。預左繁殖唔到都唔太失望，當返到香港先知條雄魚跳缸死左。又一次得返條雌魚，唔知幾時先配到一對。新燈剩十條，死左一條。得返三隻角螺，全部既殼都爛爛地，晌缸底仲搵到幾塊碎片，應該係黑泥太酸適應唔到個缸晌上年十二月尾砌，第一次用山谷石同不鏽鋼網鋪莫絲草皮，宜家睇返幾成功，個零月就做到預期效果。用山谷石亦冇乜手尾跟，唔似青龍石咁會發霉同變色。不過當時買唔到大舊既山谷石，結果前面既石好易被莫絲遮住。今次成組石都按比例大左，本來將舊缸既大石扑碎一分為二，唔成功，得一塊碎片用得返，另外既一大一細兩舊石係新買
用返舊缸既珍珠三角莫絲鋪草皮，最麻煩係度位剪不鏽鋼網，今次晌石罅預先剪個紙樣，咁比較容易就位。將後排既泥堆高左，未加水果時比例幾好，加水之後先覺得中間舊石大左少少
