葦蘭提飛船下一批貨起碼要等一兩月，想將條雌魚同剩低果十條新燈搬出廳既大缸，房既細缸養返 2cm 以下既魚仔。買左三條琥珀燈試養幾日，魚身呈半透明鮮橙色，不過每條要廿幾三十蚊好貴。放落缸好快就開口，紅虫乾糧都食。隔兩日死左一條，買返十三條。今次晌另一間鋪買，八蚊條平兩倍有多，但顏色唔靚，多數係半透明灰色，幾條有少少橙色。照計同一個種個樣唔應該爭咁遠，希望係新返既貨，養耐左會靚返。平咁多值得搏新燈同葦蘭提飛船撈左出廳，新燈即刻俾蝙蝠倉追住啄。新燈養左幾年都有返咁上下大，本來都唔擔心會被人食到，估唔到隔左一陣就有一條被咬死左，兇手仲係晌細缸同新燈同居四個幾月，後來搬左出廳養既剛果燈
剛果燈自從搬左就大得好快，已經比晌細缸果時大左兩倍有多。平時唔見佢地追其他魚，一遇到新燈就咬住唔放。唯有將成批魚撈返入細缸
