十八號買左七隻藍蝦，第二日見到有堆蝦殼。當時以為係脫殼然後匿埋晒，因為以前養既蝦反左缸後會同時脫殼。到第三四日先發現原來失晒蹤，檯面冇屍骸即係冇跳缸，但新燈同火兔燈都唔似兇悍到會獵食藍蝦。當日見到既蝦殼略帶紅色，而循正常程序脫既殼係透明，只有死蝦既殼先會偏紅。最合理既解釋係堆蝦適應唔到水質死晒，魚只係執手尾
網球蝦一直絕食，搬去廳既大缸就即刻搵野食，唔知佢地到底唔滿意乜野。缸草越黎越多啡藻，二十號買左兩條細既黑線飛狐頂替死左既蝦。兩條魚成日趴晌泥面唔多食野，頭先終於死左一條，另一條唔知匿晌邊。死左條新燈，養得最耐果幾條都近兩年
