盛惠 $390。說明書話濾桶頂部必須晌水平線以下起碼 10cm，但因位置問題，個桶同魚缸只可以平放擺檯面。好在過左兩粒鍾仲未有事，係最初泵水入桶果下麻煩。聽講要用口啜條膠喉引水入桶，照做，搞唔掂，仲差 d 吞左啖魚缸水。用返撻著 501 既辦法，將裝滿水既濾桶放地下，開一陣電掣，然後拔起入水膠喉，以虹吸作用抽水，再駁返就用到。501 終於功成身退
怕唔夠生物環，本來想買多盒舊版 fluval biomax，搵唔到焗住買新版。將舊桶既生物環倒晒落去，加埋上次用剩果大半盒，岩岩好，唔使拆新買既
雨淋管尺寸冇問題，扭向後面出水，水流尚可接受，因此唔使買閘掣，慳返二百幾。從正面出水就太勁喇，好似滾湯咁。出入水膠喉長得滯要剪，U 型入水管要鋸，聽日先搞。唔明點解 eheim 要用咁核突既綠色膠，好似 eden 咁用灰色咪幾好咯
