翻缸

狀態比較好既珊瑚莫絲移去新既沉木，紫紅針葉柳丟左，迷你牛毛毯同紅針葉皇冠留返。皇冠草雖然唔紅，可以當係普通既前景草咁種。試三款紅色草：四色睡蓮、紅海帶同紅蛋。本來買左幾束湖柳做後景，種落先發覺唔好睇。最後用返黑木蕨，等多一個月，仲係唔長高先換款

二代黑泥既質地有少少唔同，冇咁多泥粉。暫時死左一隻抱卵既虎紋蝦同一條黑線飛狐。條飛狐半夜跳缸，剩低果條神情呆滯，食慾不振。呢類群居魚只養一條係唔掂，起碼要買多條做伴。翻缸後種晒草先發現有一面玻璃刮花左，黑木蕨長高既話勉強遮得住，下次再執位先順便換缸