紅海帶、四色睡蓮同紅旦反應幾好，有長新葉而冇甩色，難得有紅色草種得掂。鳳尾蕨同黑木蕨都種唔到，以紅旦咁既生長速度同高度，亦唔似適合種晌十二吋缸。要搵一種生得慢又唔太高既草做後景，今次試小太陽。本來用黎做中景草，生得唔快，會向左右延伸而唔係一直標高。睇魚街既示範缸，成功既話會種到大概八吋高既草叢，僅僅高過舊木買左一條黑線飛狐同三條鑽石紅蓮燈，成缸共有廿三條魚。鑽石紅蓮燈唔挑食，唔沉底，唔跳缸，養多幾條顏色仲靚左。火兔燈會跳缸，新燈本來係中層魚，但養晌呢度就沉晒底，無謂再買。朱古力飛船本來會周圍游，不過從一月開始就成日匿埋，有兩條跳缸死左添。買細魚返黎又怕被宜家呢兩條恰，都係鑽石紅蓮燈好，夠細，可以養多幾條
