好明顯青花旦係最適應呢個缸既草，紅針葉皇冠同紫紅針葉柳仍然冇紅色，黑木蕨有發芽但冇長高。珊瑚莫絲種左個半月都冇起色，拆線睇下，甩晒就證明完全種唔到先拆右上角最近光管果一堆，果然冇黏實舊木，一整就成片甩左。另外三堆仲保留到一部份，其中一堆幾日後部份枯死，可能太熱。日頭冇開冷氣，每日都廿九度幾，捱到咁耐已經出乎意料。從堆碎片可以睇到，青色係新長出黎既葉，而深綠色既就係生左啡藻
朱古力魚又死一條，同上次一樣，又係半夜跳缸，剩返最強壯果兩條。呢個缸死既魚起碼八成都係半夜自殺。搵日冇咁熱會過魚街物色新既沉木，宜家呢舊比想象中阻定，水草既生長亦唔配合，完全造唔到預期既效果，乾脆從新黎過。睇怕今年都要裝返把風扇，長期廿九度好難種到草
