晌魚街見到款叫「湖柳」既草，睇落幾適合做後景。上網摷過，係陽性草。我個缸得支 7W PL 管，開關唔定時，又冇 CO2，好懷疑種唔種到。但湖柳既型態的確幾好，值得一試
由缸水變濁計起都就快一個月，雖然早兩日搵出其中一個問題所在，不過我既耐性已經用得七七八八，開始想反缸。八月頭種到宜家既小水蘭既狀態唔得，唔知係咪缸水濁得太耐光量唔夠，冇分株不特止，呢兩日開始甩葉添﹝相係熄左燈影既，堆魚似乎被個閃燈嚇醒﹞
趁重未入冬，星期一二又有兩日假期，想今日反左佢順便換草。前景維持用小水蘭，中景用扭蘭，後景用湖柳。其實個缸咁細，設備簡陋，我重要打側擺﹝普通既魚缸係最長果條邊做正面，我個缸既正面係短果條邊﹞，養左幾年魚都未見過有咁既「造景」，唔慌好睇嫁喇，姑且試下
