大致上擺好個濾桶。入水位果條膠管配唔到，唯有鋸短原裝管。行勻魚街先得一間有灰色喉賣，其餘都係 eheim 綠色喉。咁當然係配返原裝灰色好，果間鋪將九呎既貨尾賣埋俾我。返到黎度位先發覺出入水位各需五呎左右，宜家得四呎半就勉強左少少，不過都拖到去檯既另一邊部 printer 後面，咁樣就唔會聽到濾桶既聲
濾桶擺拖板附近本來唔係咁好，但好難安置個拖板，唯有將佢掛高。咁樣只要個濾桶唔係噴水，就算有滲漏都唔會浸到拖板，最多流過 printer 火牛然後流落地
搭喉果陣有兩條魚突然反肚，撈走左。今次反缸既死傷數目升做三條。雖然一直都唔明點解水會咁濁，總之宜家終於清返晒。遲下插埋草穩定左就會加返五條魚毛
