岩岩見到有隻蝦食緊一個蝦殼，再望清楚，原來唔係食緊蝦殼，係食緊一隻脫左一半殼既蝦
蝦經常都會食其他蝦脫出黎既空殼，可能係補充鈣質掛。蝦脫殼既果陣蝦身重未變硬，發出黎既腥味會引黎其他蝦既攻擊。以往都見過有幾隻蝦圍攻一隻岩岩脫左殼既蝦，但被果隻走甩左
今次呢隻應該係被個舊殼黏住，到我發現既時候佢已經俾另一隻食到個成日下巴崩左。拎出黎幫佢扯甩個舊殼睇下，冇晒反應但好似重未死。掉入廁所沖走，佢突然又游返，不過游得兩游又沉左底。早知係咁就擺佢入冰格安樂死先。頭先應該影返張相做紀錄，第一次見脫殼搞成咁
隻鮑魚螺今朝死左。呢排成日清缸，冇野好食，都預左佢會死。遲下水質穩定先再買
